Image default
Հասարակություն

Արփայի կիրճում ՀԵԿ են կառուցում

Թեհմինե Ենոքյան

Առավոտյան ահազանգ ստացվեց Ջերմուկից, որ կիրակի օրը ՀԷԿ կառուցող մարդիկ ծանր տեխնիկա են բերել և արդեն Արփայի հունը փակել են: Երկու շաբաթ առաջ «Ջերմուկի զարգացման կենտրոն» ՀԿ-ն պաշտոնապես գրել է բնապահպանության նախարարությանը և ոչ մի պատասխան մինչ այս պահը չի ստացվել: Ես որպես լրագրող ահազանգեցի բնապահպանության նախարարության թեժ գծին: Պատասխանը հետևյալն էր` դիմեք ջրային ռեսուրսների կադաստր:

Հարցերս հետևյալն էին` ի՞նչ ընկերություն է այդ տարածքում գործունեություն ծավալում, Կեչուտի ջրամբարից վերև գտնվող Արփա գետի տարածքը մտնո՞ւմ է ջրաբանական արգելավայրի տարածքի մեջ, որը կազմում է 17 հազար հեկտար, որտե՞ղ են իրավական հիմքերը, իրականացվե՞լ են հասարակական լսումներ, ջերմուկցիներն այս մասին ոչինչ չգիտեն:

Ջրային ռեսուրսների կադաստրում ասեցին` «պաշտոնապես դիմեք, մենք կպատասխանենք, դե, երևի ունեն իրավունք ու թույլտվություն, որ նման գործունեություն են ծավալում»:

Հարցը մնաց «դե, երևի» մակարդակում:

Կրկին զանգահարեցի բնապահապանության նախարարության թեժ գիծ ու խնդրեցի ահազանգ գրանցել: Ահազանգն ընդունվեց. «Մենք հիմա կտեղեկացնենք Վայոց Ձորի բնապահապանության տեսչությանը, թող իրենք պարզեն»:

ՀՀ բնապահպանության նախարարության աշխատակազմի բնապահպանական պետական տեսչության Վայոց Ձորի տարածքային բաժնի պետ` Վահիկ Գրիգորյանն ասաց. «Կազմակերպության անունը չեմ հիշում. այնքան շատ են: Իրենք 5 տարի առաջ են այս ծրագիրն ունեցել, պարզապես հիմա են իրականացնում: Իսկ ջրաբանական արգելոցի տարածքում դա չի գտնվում. ջրաբանական արգելոցի տարածքը դրանից վերև ավարտվում է»:

Նույն հարցերս ուղղեցի նաև վերջինիս. «Դա ի՞նչ կազմակերպություն է, որտե՞ղ են իրավական հիմքերը, կատարվե՞լ են հասարակական լսումներ և որտե՞ղ է արձանագրությունը, ովքե՞ր են մասնակցել հանրային լսումներին»:

Խոստացավ զանգահարել և այս հարցերին պատասխանել: Սպասենք պատասխաններին: Իսկ մինչ այդ Արփայի հունը փակվում է:

http://marianablog.info Մարիաննա Արշակյան

loading...

Կարդացեք նաև

1582 թվականի այս օրը անցում կատարեցինք դեպի Գրիգորյան օրացույց

admin

Այսօր պետականաշինության մեջ կնոջ դերը քիչ է: Կարինե Խոդիկյան

admin

Ինչպես են ռուս աղջիկները Հայաստանում ավտոստոպով ճամփորդել

admin