Image default
Հասարակություն

Լավագույն ընտանեկան ֆիլմերի տասնյակը

movie-nightԱյս հանգստյան օրերին  Ամսագիր.am-ը Ձեզ առաջարկում է  խուսափել  ի հեճուկս ցրտաշունչ ձմռանը ընտանեկան զբոսանքներ կազմակերպելուց, և պարզապես ողջ ընտանիքով հավաքվել հեռուստացույցի շուրջ ու դիտել ֆիլմեր, որոնք նախատեսված են ամբողջ ըտնանիքի համար:

  1. «Իվան Վասիլեվիչը փոխում է մասնագիտությունը» ժամանակի մեքենայի մասին ֆանտաստիկ պատմությունները գերում են բոլոր սերունդներին, հատկապես եթե դա հումորի լեզվով  է ստեղծված: Տան մեծահասակները այս ֆիլմը կդիտեն վերհուշով, իսկ կրտսերները կարող են հետաքրքիր պատմական էքսկուրս անցնել:
  2. «Խատիկո. Ամենահավատարիմ ընկերը» – Սա իրական պատմության հիման վրա նկարահանված ֆիլմ է հավատարիմ շան մասին, որը ամեն տարի նույն օրը գալիս է կայարան դիմավորելու իր մահացած տիրոջը: Այս հուզիչ պատմությունը ուսուցանում է հավատարմություն, նվիրվածություն, նաև հոգատարություն չորքոտանիների հանդեպ: Եթե դեռ չեք դիտել , ապա հրաշալի առիթ է ընտանիքի հետ միասին դիտելու այս հրաշալի ֆիլմը:
  3. «Երազների պահապանները » լիամետրաժ անիմացիոն ֆիլմ է , որի հիմքում Ուիլյամ Ջոյսի գիրքն է: Մանկության մի քանի հերոսներ Ձմեռ Պապը, Ատամների Փերին, Զատկական Նապաստակը պահպանում են երեխաների երազներն ու երազանքները, տալիս են նրանք անուրջներ ու հույսեր, իսկ չար Բուգմենը ցանկանում է խլել գեղեցիկ երազները երեխաներից, փոխարենը տալ մղձավանջ ու հավատացնել, որ երազաների պահապանները գոյություն չունեն:
  4. «Շնորհավոր Ամանոր, Մայրեր» – Անցյալ տարվա ամենադիտված ամանորյա ֆիլմերից մեկը, որը բաղկացած է հինգ տարբեր նովելներից, որոնցից յուրաքանչյուրում արտահայտված է սերը մոր հանդեպ: Իրադարձությունները տեղի են ունենում Ամանորի շեմին:
  5. «Ինչպես շանթահար» – Այս ֆիլմը պատմում է անհաջողակ դեռահաս Բրայենի մասին, ով հրաշքո ստանում է հռչակավոր բասկետբոլիստ Կեվին Դուռանտի տաղանդը և դատնում է դպրոցի աստղը: Մինչդեռ բասկետբոլսիը իսպառ կորցնում  է գնդակը ցանցը նետելու ունակությունը: Չափազանց հետաքրքիր զարգացումը ֆիլմի կարող եք դիտել Ձեր ընտանիքի անդամների ընկերակցությամբ:
  6. «Ուիլլ»Տասնմեկամյա Ուիլլը ապրում է տղաների գիշերօթիկ դպրոցում և երկրպագում է «Լիվերպուլ» ֆուտբոլոյին թիմին: Մի օր հայտնվում է վաղուց բացակայով հայրիկը և բերում Ստամբուլում կայանալիք Չեմպիոնների Լիգայի երկու տոմս: Սակայն մինչև մեկնելը Ուիլլը կորցնում  է հորը, այս անգամ ընդմիշտ: Բայց որբ տղան որոշում է փախնել Թուրքիա և իր ճանապարհորդության ընթացքում հանդիպում ու ապացուցում է շատերին, որ երազելու համար երբեք ուշ չէ:
  7. «Թեդ Ջոնս» Այս լիամետրաժ անիմացիոն ֆիլմը ևս պատմում է երազանքների ու նպատակասլացության մասին: Թեդը սովորական շինարար է, ով երազում է վտանգավոր արկածների և անհավանական բացահայտումերի մասին և մի օր նրան շփոթում են հայտնի հնեաբանի հետ… շարունակությունը կհետաքրքրի ընտանիքի բոլոր անդամներին:
  8. «Մենք գնել ենք գազանանոց» սա մի բրիտանացի ընտանիքի պատմություն է, որը իր բոլոր խնայողությունները ծախսում է, որպեսզի գնի գյուղական մի գազանանոց երկու հարյուրից ավել էկզոտիկ կենդանիներով, որոնց վտանգ է սպառնում:
  9. «Գանձ որոնողների հնգյակը»Այս գեղեցիկ հնգյակը և իրենց նոր ընկերները պետք է գործի դնեն իրենց ուժն ու խելքը, որպեսզի կարողանան  կռահել շքեղ կատվիկի հանելուկներն ու մտնեն գաղտնի դամբարան, որտեղ պահված է կենդանական  աշխարհի գանձերը:
  10. «Թոմն ու Ջերին. Հսկայական ճանապարհորդություն». Այս լիամետրաժ անիմացիոն ֆիլմը դուր կգա բոլոր նրանց ովքեր սիրում են արկածներ, հեքիաթներ և իհարկե Թոմին ու Ջերին (միթե՞ կարելի չսիրել նրանց): Այս անգամ սիրելի հերոսները հայտնվել են կախարդական լոբու մասին հեքիաթում:

Այս շաբաթվա համար առանձնացրել էինք այս ֆիլմերը: Հաջորդ շաբաթ Ամսագիր.am-ը Ձեզ կհրամցնի հրաշալի սիրային ֆիլմերի տասնյակ, որոնք արժե նայել զուգընկերոջ հետ:

 

loading...

Կարդացեք նաև

Ժամանակն է երկրի կառավարումը հանձնել «Անկախության սերնդին». Բաղանիսի համայնքապետ Նարեկ Սահակյան

Սուսի Միսակյան

1975 թվականի այս օրը մահացավ Մինաս Ավետիսյանը

admin

Ինտերնետի վերանալու հավանականությունը. Մասնագետների կանախատեսումները

Սուսի Միսակյան