Ամսագիր.am
Image default
Մշակույթ

Սահմաններից դուրս. Ցուցահանդես ՆՓԱԿ-ում

Նորարարական փորձարարական արվեստի կենտրոնը շարունակում է ներկայացնել երիտասարդ ստեղծագործողների ձևաչափերից դուրս ստեղծագործություններ:

Այս անգամ ստեղծագործությունները բառի բուն իմաստով սահմաններից դուրս էին:

Ներկայացված էին Անժելայի գեղանկարները և Արևիկի  քանդակները:

Աղջիկները ընկերուհիներ են ու նրանց միավորում է արվեստը, նրանք ունեն միանման մտքեր, թերևս արտահայտում են տարբեր կերպ:

Ցուցահանդեսի գաղափարը Անժելային էր, ով արդեն ութ տարի է ինչ ՆՓԱԿ-ում ներկայացնում է աշխատանքներ, սակայն սա նրանց  առաջին համատեղ ցուցահանդեսն է:

Աղջիկները երկուսն էլ մի բան են երազում` ազատ լինել, չսահմանափակվել ոչ մի չափանիշով, որպեսզի հասնեն ավելին:

Դասական, ավանդական նկարչությունը հարգում են, սակայն չեն կրկնօրինակում, չեն ոգեշնչվում, քանի որ նրանք եղել են հանճարներ, սակայն դա արդեն արված է նոր ուղղություն, նոր շարժում է հարկավոր:

Անժելան Հայաստանում գնահատված նկարիչներ չի տեսնում, հաճախ հանդիպում է միայն հիասթափված ստեղծագործողներ. «Ծանոթներիցս շատերը ունեն նկարչական կրթություն, ստեղծագործում են, սակայն մատուցող ու վաճառող են աշխատում , որպեսզի վաստակեն ներկերի փողը, այնպես որ Հայաստանում նկարչությունը մասնագիտություն չէ, քանի որ շատ տաղանդավորներ մնում են դռների ետևում»,-դժգոհեց Անժելան:

Աղջիկների ստեղծագործություններում կանացի քնքշություն չկա, նրանք խուսափում են սեռականությունից. «Իմ քանդակներին հաճախ վերագրում են տղամարդկային կոպտություն և դա ինձ դուր է գալիս, արվեստագետը արվեստագետ  է, անկախ սեռից»,- կարծում է Արևիկը:

Երկուսն էլ խոստովանեցին, որ վախենում են մտածել ամուսնության մասին, քանի որ վախենում են սահմանափակվելուց, ստեղծագործելու համար ժամանակ չգտնելուց:

Թե՛ Արևիկը թե՛ Անժելան նպատակ ունեն Հայաստանից դուրս ներկայանալ, կարևոր չէ որտեղ, կարևորը գնահատված լինեն:

Ցուցահանդեսին կտևի մինչև այս ամսվա 23-ը:

loading...

Կարդացեք նաև

Եվս մեկ ֆիլմ սիրո մասին «Մուլեն Ռուժ»

admin

«Եթե երեխան չի տեսնում տիկնիկային թատրոն, ուրեմն նա արդեն կողոպտված է». Լեոնիդ Հարությունյան

admin

Ջենիֆեր Լոուրենսն ու Խավիեր Բարդեմը կնկարահանվեն Դարեն Արոնոֆսկու նոր ֆիլմում

admin