Վինսենթ Վան Գոգի հազվագյուտ նկարը 13,1 միլիոն եվրոյով վաճառվել է աճուրդում

7

Վինսենթ Վան Գոգի հազվագյուտ նկարը 13,1 միլիոն եվրոյով վաճառվել է Sotheby’s Paris աճուրդում

«Մոնմարտրի փողոցային տեսարան» աշխատանքը հոլանդացի իմպրեսիոնիստ վարպետի այն սակավաթիվ նկարներից է, որը դեռ գտնվում էր մասնավոր հավաքածուում: Sotheby’s-ը հայտարարել է, որ աշխատանքը մի ընտանեկան հավաքածուում էր՝ ավելի քան 100 տարի հասարակության ուշադրությունից հեռու:

Այն նկարվել է 1887-ին, մեկ տարի անց այն բանից, երբ Վան Գոգը Փարիզ էր տեղափոխվել եւ իր եղբայր Թեոյի հետ ապրում էր Մոնմարտրում: Նա 1888 թվականին լքել է Ֆրանսիայի մայրաքաղաքը եւ տեղափոխվել Ֆրանսիայի հարավ, որտեղ ապրել է մինչեւ իր մահը՝ 1890 թվականը: