Ամսագիր.am
Image default
Հասարակություն

Հունիսի 15-ը ՀՀ պետական խորհրդանիշների օրն է

2006 թվականի հունիսի 15-ին  ընդունվեցին «ՀՀ դրոշի մասին», «ՀՀ զինանշանի մասին»օրենքները: Այդ օվանից սկսած` հունիսի 15-ը նշվում է որպես ՀՀ Պետական խորհրդանիշների տոն:

Հայկական դրոշը ՀՀ պետական խորհրդանիշն է: Դրոշը երեք հավասար հորիզոնական զոլերով ուղղանկյուն պաստառ է, վերևում` կարմիր, մեջտեղում` կապույտ, ներքևում` նարնջագույն: Այս գույները դարեր շարունակ նույնացվել են հայ ազգի հետ:

Հայաստանի դրոշն ընդունվել էր 1990թ օգոստոսի 24-ին ՀՀ Գերագույն խորհրդի կողմից, իսկ 2006թ. ՀՀ ԱԺ-ն օրենք ընդունեց դրոշի մասին:
«Հայաստանի Հանրապետության պետական զինանշանի մասին» օրենքն ընդունվել էր Գերագույն խորհրդի կողմից 1992թ. ապրիլի 19-ին: Վերականգնվել է Հայաստանի Առաջին Հանրապետության (1918-1920թթ.) զինանշանը, որի հեղինակներն են ճարտարապետ, Ռուսաստանի գեղարվեստի ակադեմիայի ակադեմիկոս Ալեքսանդր Թամանյանը և նկարիչ Հակոբ Կոջոյանը:

Տոնի առթիվ Երևանում կայանալու է տոնական քայլերթ, որին մասնակցելու են ուսանողական  միությունների ու հասարակական կառույցների ներկայացուցիչներ, ՀՀ մարզերից և Արցախից  պատանիներ:

Ամբողջ քայլերթը ուղեկցվելու է ՀՀ զինված ուժերի, ՀՀ ոստիկանության զորքերի, ՀՀ արտակարգ իրավիճակների նախարարության փողային նվագախմբերի, «Վազգեն Սարգսյան» ռազմական ինստիտուտի սաների,«Վահագն» դհոլահարների անսամբլի, Վանուշ Խանամիրյանի անվան Հայաստանի պարարվեստի գործիչների միավորման պարախմբերի,«Վաղորդյան կաթիլներ» երգչախմբի, «Երևանյան թմբուկներ»թմբկահարների խմբի, ՀՀ զինված ուժերի պատվո պահակային վաշտի, ՀԲԸՄ Երևանի սկաուտական խմբի ելույթներով, հանդես կգան Ճանապարհային ոստիկանության ուղեկցող սպայական վաշտի մոտոցիկլավարները: Միջոցառումը եզրափակվելու է ՀՀ ԶՈՒ օդային ուժերի ինքնաթիռների ցուցադրական թռիչքով:

loading...

Կարդացեք նաև

Մեկնարկեց Համահայական 4-րդ նկարչական մրցույթը

admin

Այսօր լրանում է Պատվո Բլրի վերածնման մեկամյակը

Այսօր դեկտեմբերի 7-ն է

admin